ឯកឧត្តម គង់ កៃដូ ប្រគល់អំណោយឯកឧត្តមអភិសន្តិបណ្ឌិត ស សុខា និងលោកជំទាវ ជូនអធិការ នៃអធិការដ្ឋាននគរបាលខណ្ឌ ទាំង១៤

ភ្នំពេញ ៖ នៅព្រឹកថ្ងៃទី៤ ខែមេសា ឆ្នាំ២០២៦ នេះ ឯកឧត្តម គង់ កៃដូ នាយករងខុទ្ទកាល័យឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងក្រុមការងារ បាននាំយកអំណោយរបស់ឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ស សុខា ប្រគល់ជូនអធិការ នៃអធិការដ្ឋាននគរបាលខណ្ឌទាំង១៤ ចំណុះស្នងការដ្ឋាននគរបាលរាជធានីភ្នំពេញ។

អំណោយឯកឧត្តមអភិសន្តិបណ្ឌិត និងលោកជំទាវ ដែលឯកឧត្តម គង់ កៃដូ និងក្រុមការងារ បានប្រគល់ជូនអធិការខណ្ឌទាំង១៤ នាឱកាសនោះ ក្នុងមួយខណ្ឌៗ ទទួលបាន ៖ អាវក្រោះ ចំនួន ២០អាវ អាវចរាចរណ៍ ចំនួន ៥០អាវ និងខ្សែក្រវ៉ាត់ ចំនួន ២០ឈុត៕